2017年03月30日 星期四
【曬被靚位】我哋都好耐冇試過喺被竇傾心事喇可？
今日天氣幾好呀可？嗱，既然天氣咁好，咁就唔好嘥咗個太陽，一於拎張被出嚟曬下喇！（ps：如果你唔驚條街啲塵仲多過你屋企啲塵嘅話）
最近，有班同學仔見太陽咁猛都拎咗宿舍張被出嚟曬，之不過學校空間始終有限，啲曬被靚位一早就畀人搶晒啦，邊得嚟咁多地方畀你哋班友仔曬被呀！好在呢班同學仔幾經辛苦，最終都搵到個隱世曬被靚位⋯⋯
登登登櫈，呢個隱世曬被靚位之唔係呢兩個古人雕像嘅大髀囉！大家睇下，同學仔將張被放喺呢兩位古人嘅大髀上面，既可以畀陽光均勻地照射落張被度，又可以為校園增添多個有愛嘅畫面，真係估唔到原來曬被都曬可以咁有意思呀～55！
睇住兩位古人冚住棉胎咁傾心事，隻手又唔知喺張被入面做緊咩咁，呢個畫面真係sweet到令毛毛好想高歌一曲盧巧音嘅《勞斯萊斯》⋯⋯
能成為密友～大概總蓋著被～
btw，古人大髀呢個曬被靚位之外，其實維納斯個body都不失為一個曬被靚位⋯⋯好似係。
