大家有冇諗過，點解通常啲人都會講「為食貓」，而唔係「為食狗」、「為食雞」或者「為食牛」？原因好簡單，之唔係因為貓貓真係好為食囉！

到底貓貓有幾為食？毛毛唔用說話嚟答大家，毛毛用圖嚟答大家。

「喂主子你做咩伸隻手落我碗麵度呀？碗麵係我㗎！」

話說，呢位韓國貓奴經常都會喺twitter同大家分享佢同主子之間嘅日常事，而呢位貓奴同主子之間發生得最多嘅日常事咪就係爭食囉⋯⋯無論呢位貓奴食麵、食蛋糕、食炸雞又好，食壽司都好，總之佢一開餐，主子就會過嚟搶佢啲嘢食㗎喇！

唔止咁，有時當呢位貓奴出手制止主子嘅時候，仲會畀主子咬返轉頭?⋯⋯

하지마아앆 pic.twitter.com/dd59BUmGW4

— 노르웨이숲 테리 (@pandacat_garret) 2017年3月14日

喂大佬，次次開餐主子都埋嚟爭食，咁樣落去唔係辦法喎⋯⋯唔通奴才想食嘢都要收埋自己喺間房入面偷偷地食先食得？

唉！雖然毛毛明白身為奴才一定唔可以違抗主子，之不過主子呀主子，其實呢位奴才都係為咗你嘅健康著想先唔畀你食啫～奴才食嘅嘢又多油又多調味料，實在係唔啱你食呀！不如你乖乖地忍一忍口啦好嗎？

資料來源：pandacat_garret／twitter