男人嚟講，最鍾意一定係睇波波，I mean足球呀！講真毛毛就唔識睇咩越位呀十二碼呢啲㗎喇，不過都一樣會照睇波，因為要睇靚仔球員吖嘛，嘻嘻！就好似C朗咁呀，又靚仔又有型又笑得甜……（下刪100個優點），唔怪得咁多fan屎啦！

C朗舊年為葡萄牙奪得史上第一個歐洲國家盃咁叻仔，簡直就係葡萄牙國寶嚟呀，最近馬德拉群島就有個機場以佢個名嚟命名喇。叫得做「the Cristiano Ronaldo Airport」，點可以冇C朗個靚仔樣坐鎮，等大家嚟打下卡呢？喺機場大堂就供奉咗一尊神級雕像喇！

嗯，唔好意思，頭先張圖fo晒喺C朗個靚仔樣度，睇返呢兩張就可以清清楚楚咁見到個雕像同C朗本尊幾咁……幾咁神似喇！吖又估唔到外國人都興咩「只重神似不重形似」，追求神韻、意趣呢啲概念㗎啵！

連C朗見到都忍唔住笑呀！

如果C朗真係用呢個樣落場踢波……嗯嗯，堅持不移嘅眼神、自信嘅笑容，擺埋一齊真係充滿魔性。

其實似定唔似，都係睇你點睇㗎啫，改變唔到個雕像，咪改變C朗囉……死啦望得呢個神還原嘅C朗多，都覺得好似幾順眼……

封面圖片、資料來源連結：The Guardian、mrdanwalker／twitter、Coral／twitter、br_uk／twitter、 BeWarmers／twitter、 johnsportraits／twitter、fahadism／twitter