嘢可以亂食，但圖片唔可以亂search。唔少老師都會盡量避免喺同學仔面前上網搵圖片，因為一個唔小心，就好容易出事㗎喇！

最近，有同學仔就話佢上physics堂嗰陣，阿sir諗住教大家點樣分清楚南半球同北半球，於是就當住全班面前用google search「南半球」啦，點知親愛嘅google大神竟然出咗大量丁圖畀佢？

er⋯⋯其實呢位阿sir又唔怪得google大神嘅，只係大家對「南半球」嘅定義有啲唔同咁啫⋯⋯

另外，根據同學仔嘅講法，search「南半球」係肯肯定會中伏，而search「北半球」就唔會出事嘅。而家等毛毛驗證下係咪真係search「北半球」就唔會出事先！

嗯嗯，相比起search「南半球」嗰陣真係中少咗好多伏嘅，不過又未至於話完全唔會出事囉⋯⋯咁老老竇竇，假如阿sir真係想search堅．南半球同堅．北半球嘅圖片可以點做呀？

哦，好簡單啫，其實只要阿sir用英文search，咁咪搵到佢想search嘅「南半球」同「北半球」圖片囉！（嗯嗯，毛毛而家先知道原來中文係咁邪惡⋯⋯）

btw，乜大家真係以為呢位阿sir唔知道用google search圖好易中伏咩？以毛毛9估，阿Sir一定係知道你班衰仔衰女成日上堂遊魂，所以先特登扮中伏，睇下你班衰仔衰女有冇留心上堂咁咋嘛（好似係）！

資料來源：名校 Secrets