話說，最近有日本網民就喺一張單行紙上面畫咗個薯條紙盒，然後影低擺上twitter，佢話每有一個人將呢張相些牙出去，佢就會喺呢張紙上面畫多一條薯條喎⋯⋯嘩嘩嘩，有好嘢玩做乜唔預埋毛毛一份呀？

既然呢位網民咁想得到大家嘅些牙，一眾網民當然會成全佢啦，呢位網民出咗post一日就已經得到100個些牙喇～畫100條薯條，easy汁啦！

嚟到出咗post之後第二日，一眾網民依然非常熱情，話咁快些牙數字就由100去到800！

而到咗出post之後第三日，些牙數字仲由800一跳跳到去3000?～喂咪住先，有成3000個些牙，咁咪即係代表呢位網民要畫3000條薯條？就算減返之前嗰800條，都仲要畫2200條薯條啵！要畫咁多，呢位網民會唔會走數㗎？

答案就梗係唔會啦～就算要呢位網民畫到盒薯條成棵靈芝咁樣樣，佢都絕無走數㗎！

btw，呢位網民唔會走數咁就慘嘞，事關個些牙數字已經一變四，四變十二，來到這禮拜更加諷刺⋯⋯由3000去到7000喇！嗯，毛毛真係好期待呢位網民最後到底要畫幾多條薯條呀，55。

3000本のポテトです pic.twitter.com/KGzxxWB09K

— よすてぃる (@4stl) 2017年3月31日

資料來源：4stl／twitter