日本人係好愛貓的。如果唔係，日本人就唔會出完貓貓肉球味hand cream之後又推出有貓貓肉球觸感嘅化妝綿啦！不過咁，呢啲產品全部都係為貓奴而設，咁貓貓呢？日本人又為貓貓設計咗咩產品呀？

貓貓唔使急，貼心嘅日本人當然有為你哋著想啦～

點呀，貓貓你成日照鏡，係咪發現自己眼尾位置嘅皮膚開始冇乜彈性咁呢？嗱，咁以下呢一系列由日本「ドモホルンリンクル（薬彩工園・工場）」出品嘅護膚品就啱晒你嘞！

呢set貓貓專用護膚品採用多種中藥製成，成份純天然，唔使講都知道勁啦！

um⋯⋯雖然呢set貓貓專用護膚品有助喵齡逆轉，但貓貓真係有必要用護膚品咩？毛毛知道當貓貓老咗之後，皮膚可能冇以前咁有彈性，但作為一個真正愛貓嘅貓奴，唔係無論貓貓老到變成點，都會一樣咁愛佢㗎咩？而貓貓又係咪真係鍾意每日搽咁多嘢上身先？

喂大家唔好咁激動住，睇埋條片先（溫提：有中文字幕㗎）：

btw，當你睇到條片最尾再望下個日曆嘅時候，你就會醒起⋯⋯

原來今日係愚人節呀！愚人節快樂！

資料來源：ドモホルンリンクル（薬彩工園・工場）