弱弱一問，有冇人同毛毛一樣，見親芝士都會狗衝？又有冇人同毛毛一樣，食親烏冬都狂落七味粉㗎呢？嗱，有就啱嘞，事關今日毛毛要同大家介紹嘅手殘料理就係⋯⋯登櫈，七味芝士條！

七味芝士條？望落去個樣有啲似薯條啵，唔知食落個口感會唔會好似薯條咁脆卜卜㗎呢？

話說，呢道手殘料理其實係由一位日本網民諗出嚟嘅，由開始郁手整到搞掂擺落口，整個過程都唔使10分鐘，真係超易整㗎！事不宜遲，即刻睇下呢款七味芝士條係點整先～

七味芝士條，顧名思義，材料即係包括七味粉同芝士啦。

首先，大家要拎返以前狂chok數碼暴龍機嘅看家本領出嚟，將啲七味粉chok chok chok晒上塊芝士度，跟住放另一塊芝士喺上面，再切條，最後放入焗爐用600W焗7分鐘就得㗎喇！

呢款七味芝士條既好味，又易整，毛毛覺得用佢嚟做佐酒小食或者party小食就最perfect池嘞！仲等咩吖，大家都快啲試下啦～

とけないチーズに七味振ってコショウ振って、も一枚重ねて、切って並べて、600Ｗで７分。

カリカリチーズの完成。 pic.twitter.com/wTyBvfIJNA

— ユキシゲ?5/3西３b03a (@YKSG_fgr) 2017年4月1日

資料來源：YKSG_fgr／twitter

唔整唔知咁易整系列：

【超易整】木木梟迷你多士

【毒L識食】秋天喇，整兜醉雞翼去野餐就最正

【毒L識食】牛油果＋豉油＝三文魚刺身？

【毒L識食】雪米糍加方包可以整啲咩？