心情唔好，想減壓嘅方法有好多嘅，有人鍾意去海邊靜下、有人瞓一覺就冇事，不過最簡單梗係食下零食relax下啦，隨時隨地都做到吖嘛！不過食零食食到愈嚟愈灰機，唔知又可以點打救呢……

世上最邪惡嘅薯片個fd－薯條？！又香又脆，一食就停唔到口，好嘢嚟㗎！正到痺呀！冇得頂呀！好，就等我大大力一嘢撕開個蓋啦，你叫破喉嚨都冇用㗎喇！

世上最大嘅隔膜，原來係盒薯條嘅包裝……畀你搣到面層又點，佢只係一分為二，仲要畀你揸實嚟撕嗰隻角仔已經撕開咗，真係令人灰到一個點。

原來有唔少慘豬嘅網民都畀零食包裝玩弄過，畀命運狠狠咁嘲笑過：想食吖嗱？冇咁易！哈哈哈哈哈哈─

就算失望，都唔可以輕易絕望！佢再接再勵，拎第二盒薯條嚟開，最後終於都成功開到喇！畀啲掌聲！不過個蓋就……搣到水蛇春咁樣樣啫。算啦，你又唔係食個蓋，不如都係嗱嗱嗱食咗佢算啦好嗎，你再挑戰搣包裝就擺到啲薯條淋晒㗎喇。

は？ pic.twitter.com/icYLr4FZUY

— からめる (@purinharumaki) April 1, 2017

封面圖片、資料來源連結：purinharumaki／twitter

同場加映：【好灰】到底我要搣到幾時先食到嚿朱古力？