第一眼見到佢，白裡透紅，又滑捋捋咁，真係想一層一層咁掀開，然後一啖啜落去⋯⋯喂呀，你諗咗去邊啫，人哋研究緊點食蟹柳都要偷聽嘅？

蟹柳又真係幾好食嘅，雖然唔係真蟹肉，但係見到佢紅扑扑咁，喺蟹腳摵出嚟啲蟹肉咪又係差唔多咁嘅樣，食住先啦，鬼叫你冇銀用咩～

啱啱過咗個愚人節，要防畀人整蠱都好慘㗎啦，台灣呢位網民，估唔到防到人，防唔到條蟹柳呀！食蟹柳同食蟹就唔同嘅，食蟹要戴套，食蟹柳就記得要除咗個套呀下，你唔會而家先知呀嘛？Any肥，網友一打開個套之後⋯⋯

我蟹你呀？條蟹柳冇蟹咗啲紅色嘅喂？成條白雪雪仲邊蟹係蟹柳呀？蟹柳出面係咩色呀？紅色呀嘛，同炒牛歡喜要落鹹酸菜一樣，係定律嚟㗎嘛！

一條紅線都唔返留畀網友，唔通有啲咩嘅隱喻？月老呀月老，人哋愚人節自己一條友喺度食蟹柳已經好慘豬㗎喇，你就唔好再打擊佢啦⋯⋯

講起打擊，究竟蟹柳冇咗啲紅線大打擊啲呀，定係開左pack蝦發現中間個截唔見咗Sad啲呢？毛毛真係睇唔透⋯⋯冇咩事，我出去開包薯片食幾啖空氣壓下驚先。

封面圖片及資料來源：Qian Qian、_3_9_4_/twitter