知喇知喇，三、四月係櫻花季吖嘛。你哋一個二個日日喺facebook同instagram度post相洗版，毛毛足不出戶都知而家啲櫻花開得有幾靚啦！

估唔到，除咗一眾網民鍾意post櫻花相洗版之外，就連韓國警察都洗埋一份？

話說，韓國釜山警察局官方twitter早兩日就post咗幾張狗狗賞櫻照。佢哋話見狗狗賞櫻個樣懵下懵下咁好得意，所以就一時忍唔住要同大家分享一下喎！

大家睇下～狗狗白雪雪，櫻花又係白雪雪，拍埋一齊咁幾襯～

唔係講笑，個畫面真係靚到用嚟做wallpaper都仲得呀！噢～睇怕要換走毛毛嘅三上bb一排嚕～

其實呀，釜山警察局嘅警察不嬲都出名有愛心㗎喇～就喺上年四月，佢哋先至收養咗隻大肚自來貓，而且等隻貓媽媽生咗四隻b之後，佢哋仲幫貓貓一家五口度身訂造咗件警察制服?！

咁有愛嘅警察oppa，沙冷hea唷！

資料來源：polbusan／twitter、부산경찰／Facebook

睇埋：「喵星人x櫻花」可能係全宇宙最靚嘅crossover