人生無常，畀你估到就唔係人生。

英國有位84歲伯伯Ron Adams，佢喺2002年10月嘅時候知道自己有末期肺癌、只係得返3個月命嘅消息。最初佢都唔係好接受到呢個事實，不過後來佢就把心一橫，決定喺臨死前使晒自己嗰5萬英鎊積蓄（大約48萬港幣）。

啱嘅，既然錢唔可以帶落棺材，咁點解唔活在當下，今朝有酒今朝醉啫？於是Adams就用佢嘅積蓄買咗架自己想要好耐嘅benz、3條靚錦鯉同一堆模型，跟住仲買咗架1968年嘅Chevrolet送給老婆，最後就留低少量積蓄畀阿仔。

好，而家留低嘅係一份心意，而唔係負擔啦？當Adams有咗死嘅覺悟之後，奇積就發生⋯⋯明明醫生同佢講佢只係得返3個月命，但Adams竟然過咗15年都仲在生，而且病情惡化嘅速度仲減慢咗好多，醫生話佢有機會好返?！

雖然佢因為醫生當年嘅診斷，將佢一生嘅積蓄使清光，不過老老竇竇，而家有得執返條命仔仲想點吖？Adams都話，如果冇發生呢件事，以佢本來咁慳家嘅性格，佢可能永遠都唔會有benz揸。

資料來源：the sun