噚日適逢清明節加兒童節，小朋友一定行程豐富啦～名副其實拜山咁早就起身去掃墓，跟手落山就可以扭買玩具，爽呀！不過細路哥唔識世界，而家啲紙紥出到又iPad又林寶堅尼咁，會唔會有小朋友當咗係玩具扭老竇老母買㗎？

冇計啦，小朋友百無禁忌，邊知咁多嘢吖～換轉係一個小朋友收到以下呢份禮物都唔知咩事啦，但係老竇阿媽就應該會睇到眼都大埋喇！

你以為得禮義廉先識大時大節送禮㗎咩？台灣某區公所一樣識送兒童節公仔畀小朋友，仲好大手筆一送送兩個?！咁大盒又咁大件，都幾抵呀，望落件衫仔啲手工都唔錯喎～個座仲寫住招財進寶，好意頭呀～但係點解硬係咁熟口面咁嘅？

乜又係你呀，金童玉女？望落呢對兒童節公仔又係同金童玉女有少少似樣嘅⋯⋯

btw，有網友就話，幾好呀，畀小朋友玩完，仲可以燒埋畀祖先，夠晒環保呀～你哋班人真係呢⋯⋯平日燒車唔燒油站、燒遊戲機唔燒Game碟都算啦，家陣連對玩完唔要嘅公仔都話要燒落嚟，你有想過祖先的感受嗎？

封面圖片及資料來源：王佳偉、樂天市場

《老是常出現》
【嚇死人咩】擺對金童玉女喺車頭係咩玩法？
【老是常出現】放對金童玉女喺信箱想嚇死人咩！