之前有個阿婆畀阿孫整蠱嘅片喺網上爆紅，個個都話婆婆又可愛又玩得呀～其實婆婆食鹽多過你食米，又點會咁易畀你玩到吖，扮下嘢氹下你啲廢青咋！而家啲婆婆咁精靈，分分鐘玩返你轉頭呀！

左手邊呢位黑衫嘅阿婆叫Marietta，我哋簡稱叫佢Mary婆婆先啦下，隔籬就係佢嘅蝦子餅Tommy伯伯，睇佢哋兩個眼定定咁望住啲咩呢？

原來婆婆話要變個魔術畀老公睇呀！難怪伯伯睇得咁入神啦～首先就要將個銀仔放喺支水下面⋯⋯

跟住就搵條毛巾，冚住個水樽。Mary婆婆話只要佢講埋咒語施法，個銀仔就會入咗個樽度㗎喇～伯伯唔止望到實一實，仲跟住一齊唸咒語，真係好卡哇依呀～

變完就梗係要叫老公望入個樽度睇下個結果啦～點知伯伯一行埋去⋯⋯

哎吔～今次真係一面都係喇！你睇下整蠱成功嘅Mary婆婆笑得幾開心？Tommy伯伯會唔會嬲咗佢㗎？

傻啦～話晒老夫老妻，做老公嘅又點會咁小器呀。難得老婆咁大年紀仲咁有活力，咁有諗頭，伯伯開心都嚟唔切啦～你睇佢兩個笑得幾開心幾Sweet? 係幸福嘅強光呀～邊個話年紀大就放唔到閃㗎！

封面圖片及資料來源：Daily Dose