潮興魚網絲襪襯爛牛（其實都興咗幾年）。大家睇下～BLACKPINK嘅Lisa係咪著魚網絲襪襯爛牛著得好好睇（唔准話唔係），大家都好想跟風著埋一份呢？

早前有網民教落，想著魚網絲襪襯爛牛？唔使用劍嘅，用marker就得啦。只要大家喺條爛牛嘅窿窿位置度畫返啲格仔上大髀／小腿，咁咪可以完美偽裝成著咗魚網絲襪襯爛牛嘅韓妹囉！

雖然聽落用marker呢個方法都幾方便，做到魚網絲襪襯爛牛個效果得嚟，又唔使真係著魚網絲襪咁煩，之不過呢個方法都仲未夠絕⋯⋯喂，乜大家唔知而家啲爛牛進化到去咩地步咩？家陣啲爛牛個個窿都成張A4紙咁大㗎嘛，用marker畫要畫到幾時啫？以下呢位台灣網民諗出嚟嘅方法先至稱得上萬無一失㗎嘛（好似係）！

利用陽光將coffee shop嘅網紋枱pattern印落對腳度，咁無論你著條幾爛嘅爛牛出街都唔會穿崩啦～咦話時話，咁曬完之後咪會有對古銅色嘅腳，加一對肉色嘅魚網絲襪囉？

資料來源：追風少年劉全有／微博、溫蒂兒／爆廢公社

睇埋：【Fashion嘅嘢】而家興魚網襪襯爛牛？用Marker畫咪得囉！