要做一個專業嘅粉絲，除咗儲起有偶像個樣啲報紙雜誌，平日行街就梗係成個雷達咁，一見到有偶像嘅海報同紙牌公仔就9衝過去影相打卡啦！

嘩！係綾瀨遙BB嘅Poster呀，真係見到都想帶返屋企慢慢J呀！嗱嗱嗱，不過女神呢家嘢一向都只可遠觀，就唔可以褻玩㗎下，乖乖地影張相咪算囉～

行過啲原來綾瀨遙BB張Poster前面仲有一個Piko大叔嘅紙牌公仔呀！仲可以塞你塊面入去影相?，不過除左本身就撞晒樣嘅海軍大將黃猿同小新校長，仲有邊個會想變成Piko大叔呀？網友影完塊牌正打算走嘅時候，突然覺得有啲嘢好似唔多對路喎⋯⋯

點解女神會變咗做大叔呀！雖然佢做過大叔系乾物女啫，但係同大叔係兩件事嚟㗎啵！嗚⋯⋯店員你一定係特登嘅！畀返個女神我呀！

不過睇真啲，女神果然係女神，就算綾瀨遙BB著到成個大叔咁跳PPAP又點喎～咪又係大把毒L鍾意（包括毛毛），講到尾，都係你的樣子如何，你的日子也必如何囉⋯⋯

封面圖片及資料來源：927_123／twitter