呢排見親啲fd個個都係問你有冇睇B&B呀？唔係Bed and Breakfast，係Beauty and the Beast 呀！啲人都話妙麗又好靚女，隻野獸又好野獸喎，唉，毛毛呢啲冇女冇朋友嘅人，鬼有人陪我睇咩。

不過套戲咁受歡迎，一定間間玩具舖都擺滿晒啲週邊，即係玫瑰花呀公仔呀之類，好似之前周街都係Elsa咁啦！講起公仔，唔知仲有冇人記得呢隻貝兒公仔呢？

咪臭係呢個Justin Bieber咁嘅貝兒囉！一月嗰陣消息一出，訂咗嗰啲都話想cut單呀！而家套戲終於出咗，有咁多時間改善，應該冇事喇啩。有網友就去咗迪士尼，見到新一批嘅公仔實物喇！

係靚咗喎⋯⋯條裙！上身啲喱士又做得仔細咗，條裙下身啲層次又靚咗，仲有閃粉?！對手仲有較位可以擺唔同嘅動作㗎！咁落本，個樣應該ok喇啩？

乜又係你呀側田B爸？Fine，可能另外一個Version會好啲呢？

呃⋯⋯你走啦，我唔想搞大件事呀。隔籬個奸角都整得似樣過貝兒，仲要咪咪嘴笑，啲好似喺度嘲笑緊貝兒髮線向後移咁呀⋯⋯

最Sad嘅都係，就連野獸都幾乎神還原呀！難怪網民話完全聽唔到有小朋友扭計買貝兒，仲要過親去影相都係啲家長啦⋯⋯

btw，其實你哋怪錯晒出產商喇，人哋分明特登將貝兒整到咁啦～美女與野獸講咩㗎？叫人唔好以貌取人吖嘛！話口未完，你哋班友仔就唔記得晒啦，罰你哋再睇一次！

封面圖片及資料來源：Wheelback／PTT、CGBPosts／twitter

回帶：【你呃人】呢個《美女與野獸》公仔明明就係Justin Bieber！