貓奴嘅屋企，向來都係一個爾虞我詐、波譎云詭嘅地方。要生存，就要識得準時餵罐，咁先可以扶搖直⋯⋯oh sorry，唔好以為你對主子好，主子就一定要對你好呀！就算你已經好乖咁日日準時餵罐，你嘅主子都一樣有權隨時西你面㗎！

嗱，就好似最近呢位日本貓奴咁，就算佢平時已經做好咗奴才嘅本份，照顧得主子嘅起居飲食妥妥當當，但主子依然喺佢食緊飯嘅時候整個終極西面過佢歎呀！

「大膽奴才，食嘢都唔預埋朕一份？信唔信朕出貓拳吖嗱？」

你哋睇下，呢位主子嘅西面真係拍得住大家嘅腦細⋯⋯毛毛相信，當今世上只係得主子先可以達到西面得嚟又唔乞人憎嘅境界。主子，你即管嬲嬲啦！就算你個樣有幾西，作為一個忠心嘅奴才，毛毛都會覺得你好打耳㗎！

資料來源：moZu_waTa／twitter

睇埋：【黑面都得意過人】24小時都咁嬲爆爆嘅貓貓