「Sakura～Sakura～」呢排一打開個挨豬，十個有九個唔係Post櫻花就係日本打卡相，你哋有冇諗過啲冇銀用又冇假放嘅可憐蟲呀？有錢有假嘅話，有邊個唔想去日本嗒返杯Sake同嘆住美食嚟賞櫻先得㗎！

但係如果喺你準備開餐嗰陣，發現居然冇帶叉，咁你會點呢？周圍同人講自己冇叉用問人借？定9秒9衝去最近嘅便利店買返包好呢？

想用叉啫，唔使跑嚟跑去嘅，搵3D Printer 印出嚟咪得囉！日本呢位網友霸氣到帶埋部3D Printer去賞花，仲要即場印支叉出嚟畀自己用?～

食甜品又得，食意粉仲得，得咗！食餐飯都咁有霸氣，係威嘅。但係咁大工程搬部3D打印機過去，你唔係真係為咗印支叉下化？

古乳有暈，毒樂樂不如眾樂樂，有好嘢梗係同大家開心share啦，除咗印叉，網友仲印咗支貓型吹泡泡棒出嚟，咁有心思，肯定有大把女女爭住同你吹⋯⋯泡泡啦！咩女都畀你溝晒啦！你仲想點喎？

想點？咪想印埋棵櫻花出嚟囉！毒L們學嘢喇，下次約女神賞花，帶埋部3D Printer去，咁女神就算冇叉用都唔驚啦～仲可以好似呢位仁兄咁，印埋棵櫻花出嚟，送畀女神留念?啵～

唯一美中不足嘅係⋯⋯膠全部都係膠，真係膠咗啲咁囉，嗱嗱嗱，講緊印出嚟啲嘢咋，唔好對號入座呀下。

封面圖片及資料來源：gutugutu3030／twitter