毒L冇嘢做最好做咩？梗係去行超市啦～可以趁機入貨之餘，自己一條友鍾意點行都得。啲超市又成日搞試食，行完一圈好似食完個免費Tea咁呀！間中仲可以回味下童年回憶，當超市架車係滑板咁係咁跣?～

你哋班友仔，咪以為做埋咁多傻仔嘢冇人知呀下，其實超市不知有幾多對眼喺度默默咁監視你㗎⋯⋯

唔信？有圖有真相！日本網民去超市買嘢嗰陣，發現有啲唔妥，好似畀人望住咁，周身都唔聚財嘅⋯⋯唔通佢有特殊體質？

抬頭一望！嚇死人咩，嚇到網友心都離一離呀！做咩喺啲咁嘅地方度會有條Kewpie BB喺度㗎？仲要眼甘甘咁望住你笑，笑到你心都寒埋呀，叫人點好意思買嘢啫！

「冇呀，我冇望住你呀，我望住左邊㗎係唔係呀～」

Kewpie BB你唔使再扮啦，你同沙律上面啲醬一樣咁鮮明同咁出眾，點會唔知你偷望緊我哋吖！你想點，不如直接講啦……

作為一個品牌代言人，你想親自監視下個銷量係點，我哋明嘅，但係，你係咪去錯貨架呀？呢邊冇賣沙律醬喎⋯⋯雖然買買下嘢抬頭見到kewpie BB望住自己，係幾驚嘅，但係正面啲睇，點都好過買買下嘢見到成堆Thomas望住你吖係咪？

封面圖片及資料來源：lizhachi／twitter

睇埋：【咁樣真係好咩】當Thomas火車頭糖遇上泥膠…