成日都有人話覺得年紀愈大，就愈唔想慶祝節日，其實可能呢句說話，只係用嚟等自己冇得慶祝兒童節嘅時候，個心好過啲，懶係唔care咁嘅啫。如果真係有得慶祝兒童節，你睇下有幾多大人爭住話想收到禮物呀？

早幾日係兒童節，小朋友當然有禮物收啦，你班大人唔恨得咁多㗎喇，都係乖乖地科水買玩具啦！台灣有個媽媽就話佢上網買咗《魔海奇緣》入面嘅Moana公主畀阿女當係surprise喇，點知阿女竟然一啲都唔興奮？唔係咁快就變心話鍾意貝兒多過Moana公主下話？天生做公主點都好過要嫁畀有錢佬先有城堡住喎！

阿女收到個公仔，只係好冷靜咁問：「媽咪，Moana公主幾時變咗禿頭㗎？」

真係估唔到，Moana公主一頭濃密又烏頭嘅攣髮下面隱藏住嘅，係一個寸草不生嘅頭殼頂……喂，而家算點先？人哋套戲係講太平洋㗎嘛，你擺個地中海喺度咩意思呀？

封面圖片、資料來源連結：Pei Ling Shih