化妝品有好多種，但唔係隻隻化妝品都啱靚女自己用㗎～有時見到啲包裝好靚嘅化妝品又未必啱用，啱用嘅化妝品個包裝又好似唔夠靚啵～

一於就自己加工，將啲化妝品嘅包裝大改造，咁咪可以有獨一無二嘅靚靚化妝品囉～不過首先⋯⋯你都要有咁嘅藝術天份先得㗎⋯⋯

好似呢位台灣網友咁，同人交換嗰陣換到隻粉底都幾啱自己用嘅，但係包裝隻桃紅色唔多啱喎⋯⋯又冇人肯再交換，咁就唯有自己搞搞佢啦～就畫返自己最愛嘅小魚仙上去啦！

用鉛筆起個稿先～暫時望落都幾似樣嘅，唔知上埋色又點呢？

媽，為何結果不是我想的那樣！上完色之後好似小學上勞作堂啲作品咁呀⋯⋯點算呀！喺呢個時候，阿媽聽到阿女嘅求救聲，終於忍唔住要出手喇！

嘩！真係小魚仙呀！仲靚到好似官方出品咁喎，果然真係有媽的孩子像個寶呀下～網友有一個咁強勁嘅阿媽實在太幸福呀！Between，Auntie咁犀利，可唔可以幫毛毛畫返個氹下女神呀？

封面圖片及資料來源：dcard