上星期，無論喺twitter、facebook定instagram，總之有貓奴嘅地方就有呢張貓B沖涼照出現。呢隻得三個月幾大嘅貓B憑住企高攬水喉呢個高難度動作，加上無辜得嚟又帶點怕怕醜醜嘅表情，話咁快就成為咗近期貓貓界入面最紅嘅沖涼KOL！

喂！既然阿貓B人氣咁高，咁就梗係食住個勢唔好畀佢停啦！

噚日，呢隻貓B嘅主人再次發功，成功捕捉到貓B瞓覺嘅cute爆萌樣。果然今次呢輯貓B瞓床仔相又再一次征服各位貓奴嘅心，唔使一日又呃到成3000個些牙嚕～

「月光光～照地堂～貓仔你乖乖瞓落床～」

你講！你到底係咪人扮嘅？點解可以瞓到成個人仔咁㗎？而且隻手仔仲要識得撳實張被?⋯⋯嗚哇，實在係可愛得太過份喇！

唔止咁，主人驚佢自己一個瞓會悶，仲特登搵咗隻啤啤嚟陪佢瞓?～

當然，最cute嗰樣都係佢連瞓覺個樣都好似笑緊咁啦！呢個咁幸福嘅貓樣真係令人好想乜都唔做，全日淨係望住佢呀⋯⋯嗯嗯，睇完呢輯相之後，毛毛感到被治癒，可以繼續吃生活中的sss了。

おやすみ！ pic.twitter.com/150BqKtGEP

— ミル (@milkymirukun) 2017年4月7日

資料來源：milkymirukun／twitter