「又係燒粟米咁橋，一早知你係谷德昭！」

話說，最近有台灣網民就心血來潮諗住烚幾條粟米食下啦，點知佢開完火之後竟然唔覺意瞓著咗，搞到嗰幾條粟米足足烚咗成六個半鐘呀！嘩嘩嘩，烚咗成六個半鐘呀？乜你屋企仲未火燭咩？

嗱，大家見呢位網民仲咁好心情出post就知佢平安無事啦。不過可憐呢幾條粟米無啦啦畀人烚咗六個半鐘，搞到又黑又乾，成嚿炭咁呢⋯⋯唉，大家睇下佢哋嘅死狀幾咁恐怖，真係慘不忍睹呀！

另外，亦都因為呢三條粟米嘅死狀實在係太恐怖嘅關係，有唔少網民都唔敢相信呢張相係真，甚至有網民懷疑張相係黑白相／鉛筆素描嚟?。

為咗分辨呢張相係咪黑白相，毛毛決定用個低能但有效嘅方法嚟驗一驗佢⋯⋯

冇錯，就係tune光張相佢嘞！嗱，tune光咗張相之後睇得出張相唔係淨係得黑白色啦？

老老竇竇，其實呢幾條粟米烚到成嚿炭咁都仲睇得出佢哋係粟米已經算好好㗎喇！早前呢位日本網民兜薯仔燉肉煮到你唔畀埋上面嗰幅相毛毛睇，毛毛都唔敢相信呢兜曾經係一兜食得嘅薯仔燉肉呀⋯⋯

資料來源：張正坤／爆廢公社、gama216／twitter

回帶：【黑過黑面】呢碟炒粉咪夠晒鑊氣囉！

又回帶：【地獄廚房】估唔估到佢想煮咩？