通常嚟講，新鮮麵包都係冇包裝嘅。嗱，冇包裝即係冇barcode，冇barcode就即係要靠店員記晒邊款包打邊款包先可以收銀啦！喂老老竇竇，有時啲麵包舖大起上嚟一間舖有成幾廿款包都唔出奇㗎喎，下下等店員認完再入落收銀機，咁繁忙時段咪有排等？

最近，有日本網民就發現日本一間麵包店竟然用緊圖像識別技術嚟收銀。只要店員將客人盤麵包放喺白色呢個位置上面，咁電腦就會透過上面個cam嚟分辨佢哋係咩包，一次過show畀你睇要畀幾錢㗎喇！嘩，真係好先進呀！

而呢部收銀機最勁嘅地方係，佢只需1秒就可以scan到10個包喇！

@imos 一方、とある石川県のパン屋での光景 pic.twitter.com/ZgECpOwgLc

— さとる@パソコンとWi-Fi屋さん (@iiizzzwww) 2017年4月8日

大家睇下另一間位於石川縣嘅麵包舖，佢哋咪就係未引入呢部收銀機，所以搞到店員要用出動摩打手嚟入晒客人買嗰22個包落電腦囉。唉，毛毛見到個店員就戥佢辛苦喇⋯⋯如果佢有咗呢部收銀機，咁咪可以scan幾scan就秒殺人龍囉⋯⋯

btw，其實呢部擁有圖像識別技術嘅收銀機早喺2014年3月已經面世㗎喇，呢部收銀機仲喺2015年得到由公益財團法人日本設計振興會頒發嘅優良設計獎?！唔知毛毛有冇機會親眼見識呢部KO人龍神器嘅威力呢？

資料來源：imos／twitter、iiizzzwww／twitter、bakeryscan

延伸閱讀：

【日本高科技墓地】只要嘟卡 祖先靈位就會自動出現

【叮噹法寶成真】神奇翻譯大聲公！