2017年04月09日 星期日
【這就是堅持】使唔使連剝完嘅蝦殼都排得咁整齊呀？
弱弱一問，大家食蝦嘅時候係點樣剝蝦殼㗎呢？係逐塊剝吖、9剝吖，定唔剝連殼食㗎呢？嗱，毛毛就會揀交畀阿媽剝嘞。而講起剝蝦殼，呢位台灣網民就話自己有位剝蝦殼功夫一流嘅fd子啵！而家就等毛毛同大家一齊睇下佢到底有幾把炮先～
嘩嘩嘩，蝦頭還蝦頭，蝦身還蝦身，而且每一塊蝦殼都係完整無缺兼且整整齊齊咁排喺隻碟上面⋯⋯呢位網民個fd子嘅剝蝦殼功力果然好深厚，係世間少有嘅剝蝦殼高手嚟喎！嗚哇，真係不得了呀！
呢位剝蝦殼高手勁到連早前網上呢碟有如藝術品般嘅蝦殼擺喺佢面前都略嫌弱雞⋯⋯老老竇竇，將啲蝦殼整齊排好就話畀少少耐性都做到啫，但講到要剝到塊蝦殼完整無缺就真係少啲技巧都唔得喇！
between，呢位剝蝦殼高手咁勁，有冇諗住再下一城，挑下呢位連剝碌柚都要分好晒皮衣核肉咁剝嘅網民機咁呀？
資料來源：洪弘哲／爆廢公社、饗麻饗辣 頂級饗宴鴛鴦火鍋、魏澤楷／微博
延伸閱讀：
