點先算係鍾意一個二次元角色？梗係要擺到一屋都係佢啲產品，晚晚攬實佢個攬枕嚟瞓啦，仲要喺佢生日嗰陣幫佢開埋Party，當正係自己BB豬咁錫！不過原來今時今日，咁嘅應援態度係未夠㗎，點先啱？一齊睇下啦！

咦，呢個咪《刀劍神域》個男主角？一身戰衣Look，少少篤眼嘅黑色頭髮，加埋對好似識講嘢咁嘅眼……嗚呀！我唔得喇！我要走近啲，同佢零距離先得呀！

行近少少先發現，點解佢個嘴仔會紅紅地嘅？唔通出咗新版我唔知？睇真啲，原來係一個唇印嚟呀！雖然佢真係好靚仔，但都唔使當街偷吻個廣告紙牌下話，呢啲嘢留返喺屋企做好過啦，唔好咁黐線啦大佬……其實留低紅唇烈焰個瘋狂fan屎知唔知自己咁做真係好過份好過份好過份㗎，過份到毛毛接受唔到囉！佢搞到桐人bb個嘴仔咁乾咁多唇紋點得㗎，毛毛啱啱搽完潤唇膏，等我幫佢滋潤下啦嘻嘻！

このキリトくん
よく見たらどえらいことなってる pic.twitter.com/ws7MUYm0TJ

— もも (@_momoc_) April 7, 2017

封面圖片、資料來源連結：_momoc_／twitter