大家男人，你明㗎啦，波呢家嘢，點都係現場睇好過隔住個mon睇嘅，咁先可以清清楚楚睇到個波圓定唔圓㗎嘛！最好就係成班兄弟一齊去睇，大家飲住啤酒咁，得閒就高呼幾聲，真係諗起都high爆呀！你想問點解呢啲都要成班兄弟一齊做？梗係啦，講緊睇足球賽事喎！

最近日本有個網民就買咗廣州恆大嘅飛，入場支持佢哋啵！唔知日本人去到廣州睇波，會唔會覺得同喺家鄉睇波感覺差好遠呢？如果毛毛都可以去旅行嘅時候睇現場就好喇！

張飛就寫住30同31嘅……雖然好想坐頭幾行，不過都要守規矩㗎嘛，一於搵下呢兩個位喺邊先～

搵到喇，坐低先！喂，唔好意思呀，前面白色衫呢位先生，你都生得幾高大啵，可唔可以借一借呀，我唔止睇唔到個波呀，連個球場都望唔到喎……

你都係慳返啖氣好過啦，因為喺你前面嘅，原來係成碌柱先真呀！明明磅咗水買飛，但就要坐正個自閉位，呢種經驗真係夠晒難忘！而家你睇現場都係想感受氣氛啫，話明感受梗係用個心㗎嘛，坐呢個位咪啱晒囉！如果又係用眼睇，咁同平時睇直播有咩分別啫，你話係咪先！

广州恒大のシーズンチケットを人から借りたら、めちゃくちゃ見晴らしの良い席だった素敵な話が中国で話題に pic.twitter.com/5YpBtpY0vH

— うっちゃん (@kiri_ga_aru) April 9, 2017

封面圖片、資料來源連結： kiri_ga_aru／twitter