話咁快冬天就過咗，趁天氣冇咁凍，係時候出去遠啲嘅地方行下喇。不過去膠遊都要小心啲，話晒荒山野嶺，分分鐘會撞到啲意想不到嘅嘢㗎嘛⋯⋯

無啦啦喺路邊做咩會有棚骨嘅喂！邊個BBQ完咁冇手尾呀？但係副骨咁乾淨，似標本多啲喎，唔通真係好似翻生侏羅館咁，棚骨識行識走，所以去咗嗰度？

於是日本網友一返屋企就Post咗啲相上網，同大家一齊研究研究喇，呢個時候一眾網民當然要發揮偵探頭腦，動動腦又轉轉彎，拆解呢副駭骨之謎啦！

見大家傾得咁興起，為咗搵出呢副骸骨嘅真面目，網友決定重返舊地，睇下有咩破案線索喇～估唔到佢搵到嘅破案關鍵，居然係一堆毛毛呀！

真相只得一個！網友從路邊兩旁啲毛毛推測，呢副骨嘅主人應該係一隻鹿嚟㗎啵，不過啲毛點解會分散喺路嘅兩邊，呢層就網友都唔多明，估計係大風，或者有烏鴉拎咗啲毛嚟築巢啩。

55，喺呢個時候，毛毛又點可以唔9估埋一份呢，以我精密嘅偵探頭腦推斷，呢一隻鹿⋯⋯一定係死得好冤枉嘅，一定係！除非唔係。

不過點都好啦，鹿都死咗咯，網友見棚骨放咁耐喺路邊都冇人理，咪由得佢毛歸毛，土歸土，將啲骨同啲毛放返埋一齊，回歸大自然囉～ 網友咁好心，一定會有好報㗎，話唔定隻鹿仔仲會變成靚女返嚟搵網友報恩?！

封面圖片及資料來源：horo_nukanyan／twitter