那些年當屋企仲用緊個舊雪櫃嘅時候，每隔一排就會見到屋企人拎住個盆同埋成堆架撐，坐定定喺嗰雪櫃前面，跟住起勢咁鑿，鑿到啪啪聲呀！原來係因為個雪櫃結咗霜～

嗰陣仲以為有冰玩好開心，都唔知要清一次雪櫃幾辛苦呀！好彩而家啲雪櫃都好少會搞到結晒霜喇……應該係嘅……

杯緣子！你點呀？支持住唔好死呀！你仲有好多隻杯未爬㗎！邊個咁冇陰功掉低你喺一個冰天雪地嘅地方度呀？唔通杯緣子你搭錯飛機去咗南極？

原來係一個結霜結到成尺厚嘅冰箱呀！要影呢幅《雪地上的杯緣子》，使乜咁辛苦又買雪粉，又砌場景呀？學下呢位網友咁，一年唔開個冰箱，立即變雪地亦得，得咗！以後想睇雪景，打開個雪櫃咪得囉～

不過網友你係咪擺錯呀？有呢個雪景，識影梗係影Elsa啦！擺Elsa入冰箱，咁就真係Frozen喇！

其實廚房除咗有雪景，如果你想影星夜或者宇宙都一樣得！拎隻煎pan出嚟咪得囉～放埋啲公仔上去，即刻可以影返輯星空下的乜乜乜啦！不過記住記住記住，千祈千祈千祈唔好順手開火呀下。

封面圖片及資料來源：TenjoSubaru0714／twitter、dcard

回帶：【薑係老嘅辣】老竇霸氣示範屋企睇流星雨