喵星人可以話係神一般嘅存在，咩叫神一般嘅存在？咪就係無處不在囉！無論係你想唔想像到嘅地方， 總之只要係主子要出現嘅地方，就冇任何嘢可以阻止到佢哋㗎喇！

最近有個日本網民見主子成日走入廚房個洗手盆度玩，居然咁大膽用鐵網封住個盆喎！聖上唔好嬲呀下，其實奴才都係怕會整污糟你高貴嬌嫩嘅貓毛啫～

整出嚟個效果又好似唔錯喎，於是另一個日本貓奴就有樣學樣喇。不過就唔係用鐵網，而係用兩塊size啱啱好嘅膠版遮住個洗手盆呀。

「大膽奴才⋯⋯你居然夠膽封咗朕個水上樂園！你以為咁就阻止到朕咩喵？」

而家啲奴才真係好傻豬豬㗎，居然諗住兩塊膠版就可以搞掂聖上？你梗係唔知喵星人嘅團隊係幾咁強大頂喇！

「我會一直望住你⋯⋯」

嘩，主子你幾時派咗個心腹嚟監視奴才㗎？咁窄你都匿到入去嘅！冇呢，奴才真係冇偷食罐罐㗎，我洗米煮飯咋嘛，呢啲粗嘢唔啱你食㗎⋯⋯愚蠢嘅人類，你以為主子真係想玩水咩？佢哋想要個洗手盆做基地，方便佢哋平日監視你嘅一舉一動（特別係收埋啲罐罐喺邊）咋！

封面圖片及資料來源：moto_n／twitter、kyoryu_kuramo／twitter

気がつくとこんなふうに侵入されてた（米を研ぐアシさん） pic.twitter.com/N76M5ED1jO

— もとなおこ@14日にコミックス発売 (@moto_n) 2017年4月8日