眾所9知，日本人不嬲都好有心思，好興將啲食物整到成件藝術品咁嘅。而作為日本人嘅一份子，呢位日本網民當然都唔執輸，決定挑戰整熊仔造型麵包啦！嗯嗯，可惜呢位網民講就兇狠，做就含⋯⋯嗱，大家嚟評下理嘞，你唔係同我講呢嚿咁嘅嘢就係熊仔造型麵包呀嘛？

理想中嘅熊仔造型麵包：

現實中嘅熊仔造型麵包：

喂，明明理想中啲熊仔塊面仲有糖霜（？）喺度㗎喎，你諗住偷功減料，淨係用朱古力醬畫都唔好畫得咁有藝術感吖！再睇真啲個包，上面啲熊仔頭仲東一個西一個咁?，家陣個包成個《鋼之鍊金術師》入面個安比咁樣樣⋯⋯你老實答毛毛，你真正嘅目的係唔係想整賢者之石！

btw，賢者之石又好，腎者之石都好，其實呢位網民個熊仔造型麵包同理想都唔係完全唔同嘅，起碼大家隻色都一樣係啡色吖係咪？只係啲五官整得抽象咗少少咁啫⋯⋯

又btw，呢位網民補充，雖然嚿熊仔造型麵包睇嚟真係幾樣衰，不過食落味道係唔差㗎！

嫁が賢者の石を作りおった

(←理想　現実→) pic.twitter.com/BHG87sIiig

— ?またじさん? (@beppumataji) 2017年4月11日

資料來源：beppumataji／twitter