狗狗係人類最好嘅朋友，做得好朋友就梗係想知你嘅近況係點㗎啦～不過外國啲屋嘅圍欄都有咁上下高度，即使個fd子咁啱住喺隔籬，要見面都唔係咁容易㗎啵⋯⋯咁唔通真係要狗狗翻牆先可以探到自己個fd子？

哦，想見fd子啫，唔使翻牆嘅，跳高咪得囉！好似呢隻叫Penny嘅德國狼狗咁，佢每日咪就係咁樣樣跳，突出個狗頭同鄰居say hi咋嘛～

不過Penny咁跳法攰唔攰啲呀？鄰居見到都話戥佢辛苦，就連鄰居隻狗都突然無言靜了下去細心把你望?⋯⋯

「嗱嗱嗱，唔係我叫佢咁做㗎汪⋯⋯」

狗狗，主人都知道唔關你事，但係話晒Penny都係我哋個fd，人哋跳得咁辛苦都係想見多我哋幾面啫，不如我哋諗下點幫佢，令佢唔使跳都見到我哋咯！

下，偉大嘅鄰居竟然喺個圍欄度開咗三個為Penny度身訂造嘅窿？仲要兩細一大，對好晒個位，等Penny睇到又聞到，一次過滿足晒佢兩個願望?？嗚哇，係愛呀哈利！

弱弱一問，鄰居你點解唔直接開一個大窿畀Penny伸個頭去望就算嘅？55，創意呢家嘢，毛毛識個窿咩⋯⋯

封面圖片及資料來源：Jennifer Bowman／Youtube