簷蛇總會喺你估唔到嘅地方出現。你有冇試過喺個垃圾袋入面，又或者電視解碼器下面條罅度，甚至喺包零食入面見過佢吖？毛毛見過，毛毛真係見過。不過阿媽教落簷蛇係益蟲嚟，加上就算你唔殺佢，佢見到你都會嚇到甩尾走佬，所以大家如果見到阿George嘅話，就高抬貴手由佢走啦⋯⋯

唉，弊就弊在你畀佢走，佢自己都唔識走呢⋯⋯

話說，最近有位泰國網友喺自己個雪櫃入面遇上呢隻僵屍版阿George（i mean凍僵咗嗰個僵），網友喺雪櫃救佢出嚟嘅時候，佢依然企硬，真係好一條硬漢呀！

就連主子都忍唔住要花15分鐘去細心欣賞下佢⋯⋯大家睇下，阿George好似向住天求救緊咁呀！

「天呀！點解要咁對我呀！點解40度都唔開冷氣呀！」 

謎底已經解開！原來阿George係因為嗰日泰國熱到差唔多成40度，所以先鼠入個雪櫃度唞涼㗎！點知除咗溫水煮蛙之外，家陣仲會有雪櫃冰George嘅一日先得㗎⋯⋯

從唔同嘅角度影嘅話，George仲好似跳緊最後一part舞咁?⋯⋯睇到呢度，毛毛都濕晒⋯⋯個額頭喇，邊L個熄咗部冷氣呀！

封面圖片及資料來源：Premkamon-Tojamnong