子華神話過，你化咗妝我仲認得你，嗰啲叫化妝；你化咗妝之後我唔認得你，嗰啲就叫喬裝！而家一街都係喬裝同照騙高手，真係稍為唔小心都會中伏呀！你叫毛毛以後仲點相信人類啫！

估唔到除咗人類之外，原來連蘋果都要戴假面具？

嘩～啲蘋果咁粉嫩咁靚仔難怪台灣網友上網見到即刻話「我要買十個」啦！古乳有暈，一日一蘋果，醫生遠離我。於是網友就好聽話咁日日食，點知食完一袋，喺雪櫃拎第二袋出嚟食嗰陣，居然發現啲蘋果變咗色！

嘩！邊位呀你？明明買咗紅蘋果，點解雪咗幾日變青蘋果㗎喂？55，一定係啲蘋果落咗妝啫，嚇我唔到嘅！網友你又係嘅，人哋素顏啫，咁快就唔認得人啦？

素顏嘅蘋果喺個咁凍嘅雪櫃入面，凍到面都青埋好正常呀，係咪先？梗係⋯⋯唔係啦！老老竇竇，話晒網友都已經食咗5個落肚，先發現層色會咁樣甩出嚟喎⋯⋯而家算點呀，畀啲顏色網友睇咁話喇喎？

專業嘅生果從業員就叫大家唔使咁驚，未必係啲蘋果染咗色嘅，話晒咁大工程染完又唔係賣到多啲錢⋯⋯話唔定啲蘋果只係凍親呢～係囉，你估真係個個都覺得假貨比真貨好咩～都係個句，上網買嘢都係小心啲好，尤其係放入口嘅，真係唔好亂買呀！

封面圖片及資料來源：蔡慧萱