Google Draw一出，大家就瘋狂向系統挑機，睇下係咪真係幾手殘都可以變返做專業繪圖咁犀利～不過求其畫兩筆跟住睇佢分唔分析到係啲咩，好似唔多可靠喎，話晒有啲原圖真係誇張到阿媽都唔認得，你話係咩都得啦～

起碼好似呢隻貓咁，有返個貓樣先，可以將一隻珠圓玉潤嘅貓變返做窈窕靚貓，算合格啦！相信主子都會幾滿意呢個貓界美圖獸獸嘅～

有網友就想向膠難度挑戰，諗住畫隻震騰騰開開心嘅咚咚鼠，睇下AI會唔會將佢變返靚仔企理啦～點知⋯⋯

雖然大家都係鼠，但係你居然將咚咚鼠當係比卡超！你有冇諗過咚咚鼠嘅感受呀？人哋條尾畀你哋啲人踩親，仲要畀小智老屈去旅行已經好慘㗎啦，你哋而家仲要當咚咚鼠係比卡超，真係搞到人哋心都碎埋呀！

就連畫Keroro嘅漫畫家吉崎老師都加入戰團，畫咗佢有份做角色設定嘅動畫《動物朋友》（けものフレンズ）入面嗰隻籔貓，睇下又係咪真係變靚啲先～

畀Cerulean吸晒啲砂之星啫，嚇毛毛唔到嘅！咁的確籔貓又真係貓科動物嚟嘅⋯⋯咁唔知畫其他動物朋友角色喺Google Draw度又會唔會變返嗰種動物呢？吉崎老師有冇考慮畫返隻Keroro落去呀？話唔定會變真青蛙㗎喎！

其實呢幾張都係純粹網民惡搞下㗎啫，特別係咚咚鼠嗰個Post，其實兩張都係網友自己畫㗎。網友都話冇諗過有咁多人都真係覺得Google會將咚咚鼠當成比卡超㗎，究竟咚咚鼠喺大家心目中個存在感有幾薄弱⋯⋯

封面圖片及資料來源：android_sokuho／twitter、ptcgvbcg／twitter、yosRRX／twitter