「年輕得剃度誰亦能像波惹般乾脆～」早排睇到型鋒喺自己FB重現單線Solo絕技，真係好想聽佢彈返首活佛Viva呀！而家咩都話要跟上潮流，Rock住嚟唸經又有咩出奇喎～

如果可以同埋呢班羅漢合作，一定係史無前例嘅世紀演唱會呀！一班羅漢都咁in，咁佛祖咪畀佢哋搶晒風頭？

唔使驚，聖哥喺大廳，話晒佛祖喺日本都係紅人嚟㗎，仲同耶穌出埋漫畫?～所以善信咁難得見到佛祖入花叢，梗係要即刻集郵啦！

但係一向低調嘅佛祖又點習慣暴露喺善信嘅鎂光燈下呢，喺呢個時候，佢做咗一樣嘢⋯⋯

佛祖竟然戴黑超呀！你睇下佛祖幾有巨星風範，果然走在潮流嘅尖端呀下～你以為呢副只係普通嘅黑超？善信們，你哋太年輕喇！

副超仲識發光㗎～話時話，點解呢個Look 咁熟口面嘅呢下？

咪臭係阿諾豬華生力啤嘅Terminator造型囉！唔通佛祖曉Cosplay又要話過你聽咩～

所以話呢，影相只要揀啱角度，點止豬扒可以變羊架，直情佛祖都可以變Terminator呀！

グラサン大仏こと布袋の大仏様周辺の桜、今が見ごろです！ pic.twitter.com/8Qhm1z5I5j

— 豊川のおぐりん (@Kiha85Nanki) April 12, 2017

封面圖片及資料來源：傑欸、Kiha85Nanki／twitter

善信睇埋：【我有冇眼花】十八羅漢都開巡迥演唱會？