春去春會來～花謝花會再開～想賞花，唔一定要去到日本嘅，其實祖國都一樣有㗎，啲花仲不知開得幾燦爛呀，又唔使特登去到公園度睇喎，求其一條高速公路隔籮都已經有喇，等你班港豬仲成日伏住幾時有平機票去日本睇櫻花！

見到綻放緊嘅花，十個人有十一個都會拎起部電話起勢咁影，再試曬唔同filter先放上網呃like啦～不過呢兩個強國女仔就唔會隨波逐流，淨係打卡就算喇，佢哋喺湖北一條高速公路見到路邊棵樹啲花開得咁靚，所以立馬搵鋤頭，直頭成棵樹挖走佢呀！成棵帶返屋企，咪可以想幾時影就幾時影囉，醒目女嚟嘅，55！

不過，當佢哋啱啱挖完一棵樹嘅時候，民警就去到喇，仲罰佢哋即刻植返棵樹入泥土度?呀。民警一邊睇實佢哋，一邊好似個慈母咁苦口婆心教佢哋做人嘅大道理：「你睇下你哋吖，生得咁靚女走嚟挖樹？都真係虧你哋諗得出呀！棵樹都唔值錢嘅，廿蚊棵，通街都有，咪再嚟挖喇！呢幾棵樹再唔見我就唯你是問呀！」

挖樹畀警察捉到都只係訓話同擺返棵樹返路邊就算，仲要有得畀人讚靚女，國家真係當同胞仔女咁鍚呀，55……

封面圖片、資料來源連結：梨視頻