寵物寫真嚟講，影倉鼠仔寫真就最方便㗎嘞。話晒啲倉鼠仔咁細粒，想話買props幫佢哋搭場景影寫真都易搵啲同變化多啲吖嘛！最近，日本twitter就有張倉鼠仔寫真畀網民瘋傳，一齊睇下呢張倉鼠仔寫真有咩咁特別先～

哦～原來呢張倉鼠仔寫真之所以畀網民瘋傳係因為佢用咗十大賣萌術之你睇我唔到！倉鼠仔識得搵三隻老鼠fd子嚟做掩飾，又幾醒喎阿鼠！

不過講到影講到「你睇我唔到」呢招，淨係識得借fd子過橋係唔夠⋯⋯假如你隻倉鼠仔係純白色嘅話，最高招就梗係利用佢白雪雪兼圓轆轆嘅身材扮雪糕糯米糍啦！大家睇下，將倉鼠仔擺上個雪糕糯米糍膠兜入面，真係完全冇違和感！

再唔係好似G-Dragon咁扮埋玉子壽司畀你睇都仲得呀！（Er⋯⋯不過咪話毛毛唔提你，扮得咁鬼似，因住真係畀人唔小心食咗落肚喎⋯⋯）

うまく撮れすぎた✨
可愛すぎてずっと見とける?
でも、冒険家すぎてヒヤヒヤする…。 pic.twitter.com/gqsWNpAdyk

— そら@ハム垢 (@Sora415Hamuchan) 2017年3月30日

資料來源：Sora415Hamuchan／twitter、mnmnmnmnii／twitter、yumessyi917／twitter​