如果女人嘅浪漫係無論幾忙都要買衫嘅話，咁男人嘅浪漫就一定係無論幾忙都要打鋪機。打機同買衫一樣，無論你打咗幾多鋪機或者買咗幾多件衫，你都會發現⋯⋯係唔夠㗎！而打機除咗可以鍛鍊你手部嘅肌肉同訓練大腦嘅反應之外，仲可以促進人與人之間嘅關係?～嘩！打機嘅好處，真係講到聽朝都未講完呀！

喂既然係咁嘅話，咁點解呢位網民又躁到手掣嵌家牆呀？

話說，最近有日本網民就喺twitter post咗兩張手掣嵌家牆嘅相。心水清嘅大家一睇個手掣郁都唔郁下咁插咗入幅牆度就知道呢位網民當時係幾咁用力啦！而且睇真啲，手掣上面啲掣仲好似畀當事人掟到崩咗少少咁?，真係隔住個mon都戥粒掣痛呀！

有網民就表示，乜呢兩張相個畫面咁熟面口嘅？原來呢位網民完美還原咗呢一幕出嚟呀！any肥，到底一個人喺咩情況之下先會嬲到連最心愛嘅手掣都掟走呢？打極都過唔到關、畀豬隊友累9死定打打下機畀隻貓撳咗reset掣呢？嗯，毛毛睇唔透，毛毛真係睇唔透⋯⋯

資料來源：densetu_unt／twitter