自從Angelababy生咗bb之後，一眾網民都好關心bb個樣⋯⋯到底似媽咪多啲定嗲哋多啲。可惜Angelababy同黃曉明遲遲都唔公開bb個樣，所以大家一直都無緣一睹bb嘅真面貌。直至噚日4月14日，Angelababy個baby終於喺強國綜藝節目《奔跑吧》亮相！

話說，噚日係強國綜藝節目《奔跑吧》新一季嘅首播，雖然Angelababy因為要湊bb嘅關係未能參與節目演出，但佢依然拍攝短片為其他節目成員加油，可見《奔跑吧》節目組之間係幾咁有愛！

喺片段當中，Angelababy幫完bb摺衫又氹bb瞓覺，成個賢妻良母樣出晒嚟，場面相當溫馨。

哎呀！bb個頭向咗另一邊呀！

腳仔呀！腳仔呀！

雖然今次Angelababy已經好大方咁帶埋bb一齊上鏡，但可惜bb鏡頭感比較弱，露身露手露腳乜7都露就係唔露樣，所以暫時bb個樣仲係一個謎。any肥，見到bb而家肥肥白白咁樣樣，毛毛都好戥黃生黃太開心，期待下次同你見面呀bb！

資料來源：浙江衛視