聽唔知邊位風水佬話過，如果屋企有自來雀嚟築巢嘅話，咁就即係代表間屋風水好，係大吉之兆嚟咁話喎⋯⋯嗱，自來雀就話係大吉之兆吖，咁唔知有自來蜜蜂嚟喺你架單車度築巢又代表啲咩呢？而家就等毛毛同大家一齊睇過睇過！

話說，最近有位日本網民就無意中發現一架泊咗喺街度嘅單車個座位下面竟然有個蜂巢喺度喎！嘩嘩嘩，一街都係單車，乜隔籬咁多架單車泊咗喺度唔揀，係要揀正你嗰架嚟築巢呀？我真係恭喜你呀⋯⋯

而且睇真啲，個蜂巢嘅體積都唔細?㗎啵，望住上面成竇蜜蜂喺度郁嚟郁去，真係睇到毛毛雞皮都起埋呀！老老竇竇，其實架單車睇落都冇乜塵，應該都唔係泊咗喺度好耐㗎啫，到底點解會有個蜂巢喺度㗎呢？

any肥，唔通呢架係流動美食車個friend－流動天然蜂蜜車又要話你哋知咩？

資料來源：xi17l／twitter

睇埋：【發喇發喇】一次過有成四十幾隻燕子飛咗入屋