眾所9知，日本7仔趁復活節推出咗兩款復活節主題蛋糕，一款係雞仔造型，而另一款就係兔仔造型，兩款蛋糕賣相都不知幾可愛！不過大家知啦，樣靚係有罪㗎嘛，有時個樣愈可愛就愈睇佢唔順眼⋯⋯之所以早前咪有日本網民將呢兩款蛋糕合體變成咗合成獸囉！

以為將呢兩款蛋糕變成合成獸已經夠恐怖？未算呀，最近有另一位日本網民食兔仔造型蛋糕嘅時候都示範咗點樣將件兔仔造型蛋糕一秒變恐怖！嗱，唔信你哋睇下嘞，拉落下面呢幾幅相度睇真係唔使一秒⋯⋯

立即變恐怖亦得，得咗！

大家睇下，入面啲士多啤梨醬仲好似血咁湧緊出嚟?⋯⋯喂大佬，你咁樣搞法真係想嚇死人咩？你叫毛毛以後仲點面對呢件蛋糕啫？家陣先至四月，有排都未到萬聖節，唔使咁快慶祝住先喎⋯⋯

any肥，願呢隻咁可憐嘅兔仔早登食道，阿彌陀佛！

資料來源：0kopanda／twitter、yuhonium61／twitter

睇埋：【說好不提】啲造型蛋糕好得意呀可？等我將佢哋變成合成獸先！