夏天為大地帶來美腿？毛毛知，毛毛梗係知啦～毛毛仲一早ready好對明亮嘅眼睛嚟欣賞美腿?！事不宜遲，比利卡比利那那抱抱利那比比路多，美腿即刻同我現身！

嘩，毛毛諗都冇諗過原來連天空上面都會有美腿?喎⋯⋯

是咁的，話說最近有日本網民喺靜岡縣千本濱公園散步嘅時候就無意中發現天空上面竟然有對美腿喺度飛嚟飛去，仔細一睇先知道呢對美腿原來有線扯住，係一隻美腿造型風箏嚟嘅。

千本浜で見掛けた凧がすごすぎて語彙をなくした pic.twitter.com/ygS2N1UXoF

— 遠野真秀 (@maho_tohno) 2017年4月16日

老老77，雖則將隻風箏整到美腿咁款係幾新奇有趣，不過創作力量同幻想嘅嘢隨時都會嚇人一跳㗎嘛，萬一有人唔知頭唔知路，以為邊個將屋企隻吹氣公仔斬件抌出街就唔係幾好啦！

仲有呀⋯⋯好心你唔好趁毛毛唔為意嘅時候就腿張開啦，毛毛絕對唔係啲咁隨便嘅人，你乖乖地合返埋條腿先啦好嗎？

資料來源：maho_tohno／twitter