放完個長假返工，梗係要整返杯回魂啡先啦！好多人都會去啲咖啡連鎖店度買咖啡，因為除咗又快又多選擇之外，店員仲會好貼心咁喺個杯度寫低你個名?～雖然只係好小事，但係見到又唔知點解會有少少開心㗎喎～

不過一個名可以有咁多寫法，有時寫錯都唔出奇嘅，不過有啲錯就⋯⋯好似呢個姓駱嘅網友咁，向店員介紹自己係姓駱駝個駱，點知店員就寫咗駱駝個駝畀佢……

有外國KOL就話，其實有好多店員都係特登寫錯，等啲客擺上網呃like，仲可以當免費宣傳?！唉～想呃like啫，唔使寫錯人哋個名嘅，畫公仔咪得囉～

好似呢個日本網友咁，見天時暑熱咪買杯新出有酥皮嘅星冰樂飲下囉～點知一拎，竟然有隻好卡哇依嘅熊仔畫咗喺上面呀！

最Sweet嘅係呢隻咁卡哇依嘅熊仔，係跟住網友著嗰件衫上面嗰隻熊仔畫㗎，仲要連啲字都跟足?～唔知係咪店員見佢身上嗰隻熊咁兇猛，所以畫返隻肥肥Cutie版畀佢呢？

有另外一個日本網友話佢都試過著住件單眼熊仔衫，然後店員都係咁照住畫咗落隻杯度㗎～btw，如果下次毛毛著返件寫住I Love You 嘅熊仔衫搵妹豬店員買咖啡，唔知店員可唔可以照住畫畀我呢下？

封面圖片及資料來源：leonis87／PTT、andrew_0128／twitter