最啱揸跑車嘅地方係邊？梗係唔係大帽山同公主道啦，肯肯定係最多人最塞車嘅旺角呀！乜你以為揸林寶堅尼係想追求個速度，係要讓全世界知道你的高調呀！唔塞下車，點畀多啲人睇到架靚車呀！

唉～不過人工咁奀，唔好話林寶堅尼啦，想買部開蓬車，甚至只係有天窗嘅車都難呀！不過古乳有暈，辦法總比困難多吖嘛～只要動動腦轉轉彎，自己改裝架車咪得囉！

話說台灣網友揸揸下車突然見到啲嘢，喺一間紅色車上面，隱隱約約見到兩個黑色蓋⋯⋯乜得呢兩個蓋咁熟口面嘅，下面仲有少少藍色?⋯⋯

呢個咪臭係屋企個餿水桶嚟㗎喂！因乜事會喺個車頂度㗎？莫非真係好似Back to the Future咁，可以拎廚餘發動架車咁勁！

網友跟住咗阿伯架車一排，終於忍唔住喺停紅燈嗰陣問阿伯，究竟嗰兩嚿懷疑高科技產品係咩嚟嘅呢？

阿伯話，天窗嚟㗎！架車冇天窗，阿伯咪?開車頂再黐兩個餿水桶蓋上去，咁打開咪天窗囉～落雨冚返個蓋就得喇，真係既方便又快捷呀！

又係嘅，出嚟行，架車冇天窗點帶女女遊車河上山睇星星呀！唔通呢架就係阿伯嘅溝女戰車？

但係點解要用個圓型嘅餿水桶嚟整天窗呢下，天窗唔係方形好啲咩？少年人，你太年輕喇 。唔通阿伯以前揸開坦克又要話過你知咩～

封面圖片及資料來源：林水牛、露天拍賣