四五月呢啲時間對店員嚟講真係好忙，唔止公眾假期特別多客，仲要搞復活節同母親節佈置呀！復活節就話黐啲兔仔呀、蛋呀同雞仔之類就得啫，母親節除咗黐康乃馨之外，唔通真係黐個阿媽上去咩？

就係黐佢個老母呀！講緊嘅係呢間7仔黐咗小丸子同佢阿媽上去店面玻璃度呀～真係好温馨好有愛呀，見到都想入去行返轉?。

但係好多嘢都唔可以單睇表面嘅，邊有人會諗到喺呢個咁可愛咁Warm嘅場面背後⋯⋯

竟然係邪惡猙獰嘅面目先得㗎！嗚哇！好得人驚呀媽咪！乜店員咁大整蠱將小丸子同阿媽嘅陰暗面畫到咁恐怖呀？店員你係咪有咩童年陰影呀？

店員細個有咩陰影就唔知，但係小朋友如果入去呢間7仔買糖食，見到呢對暗黑小丸子同阿媽，就肯肯定留下永不磨滅嘅陰影呀！好地地一個童年就係咁崩壞咗喇⋯⋯

有網友就話，唓～柯南個黑衣人嚟啫～嚇我唔到嘅！

但係毛毛點睇都覺得似《寵物小精靈》隻耿鬼多啲囉⋯⋯Any肥，真相只有一個！一定係小丸子想搵錢買禮物畀阿媽，所以咪去隔籬廠秘撈，拍《寵物小精靈》囉，拍完唔記得落妝啫～咁阿媽又點解搞到咁？見小丸子咁細個，唔放心跟埋去啫～55，一定係咁！

btw，如果有爺爺節嘅話，唔知友藏嘅背面會唔會就係一拳超人琦玉呢？話晒都係便利店常客喎！

封面圖片及資料來源：Tan Sys、動畫《名偵探柯南》截圖、動畫《寵物小精靈》截圖