呢代人有三個「一」：一味識得追求新款、一有嘢壞咗就抌同一啲都唔識珍惜。其實有時候啲嘢壞咗咪拎去整，整下咪用返得囉！嗱，好似以下呢位日本人妻咁就啱喇！

話說有日本網民見屋企個電飯煲蓋神神地，冚極都冚唔到，咁就諗住買過個新啦！之不過老婆又話個電飯煲蓋只不過係開關掣壞咗，只要搵啲嘢嚟固定佢就用得喎！唉老婆點話點好啦⋯⋯然後呢位網民竟然發現老婆咁樣樣封印住個電飯煲？

嘩嘩嘩，不得了！呢招咪傳說中嘅「魔封波」！喂，聽講想當年龜仙人同鶴仙人嘅師傅武泰斗都係咁樣用「魔封波」封印住笛子大魔王㗎咋喎！

而呢位日本人妻竟然識得呢招咁強大嘅絕招？你究竟係何方神聖呀你？唔通呢位人妻其實係⋯⋯年紀都唔細？（嗯嗯，識得呢招嘅年紀都應該有返咁上下啦。）

先日、我が家の炊飯ジャーの蓋のツメが壊れてご飯が炊けなくなったので諦めて新しい物を買おうと思っていたのですが、妻から『ステッカーの端でツメを支えるように固定すれば機能して使える』と連絡が入り安心して帰宅するもどうも開けるのを躊躇う。 pic.twitter.com/WLQxxQI3pI

— ゲーム探偵198X【鯨武 長之介】 (@chou_nosuke) 2017年4月17日

資料來源：chou_nosuke／twitter