而家個個都用Notebook，真係有啲懷念以前用Desktop嗰陣，一有咩問題就扮晒專家咁打開部主機嘅日子呀。點解要打開部主機？壞車都係咁啦，係唔係都打開個車頭蓋先㗎嘛！

每次打開個主機嗰陣都係一次緊張刺激嘅冒險，因為你唔會知道入面有咩等緊你⋯⋯會係燒咗嘅ram？定係一嚿嚿嘅灰塵？抑或係大中小強一家呢？

呢位網友打開部主機嗰陣就當堂嚇一跳，然後就得啖笑。因為畀佢發現機入面竟然有隻內置嘅無線滑鼠呀！

喂，大哥，你點入去㗎？話晒個主機應該合埋咗㗎喎，唔通機上有個窿，你又曉縮骨功？

難怪個Chrome成日都話有老鼠啦！原來部主機真係會有鼠喺入面㗎！咁以後見到嚿嘢彈出嚟係咪應該拆開部機睇睇呢下？

不過一眾眼利嘅網民就話，呢隻唔係老鼠，係錢鼠呀！錢鼠就即係臭鼩，因為好多人覺得見到錢鼠係好意頭，所以都會放咗佢就算㗎喇～

Yo，其實有部主機有鼠，使咩驚呀！搵主子幫手咪得囉～唔怪得之主子要爬入部ATM度幫奴才手做檢查啦～原來就係睇下有冇吱吱入咗去！

封面圖片及資料來源：楊博鈞、iAsk.tw、爆料公社、eliavk／reddit、國立花蓮高農

睇埋：【超強主子】ATM壞咗等朕幫你整返好咪得囉