人形燒，大家喺東京淺草寺就見得多。咁唔知「貓手燒」大家又見過未呢？

話說，最近日本Twitter就有款以貓貓手仔（其實係腳仔）為造型嘅點心畀網民瘋傳，一眾貓奴見到呢款「貓手燒」都表示心心眼咁話喎！喂老老竇竇，咁呢款「貓手燒」將啲貓貓肉球同斑紋完美還原到咁，又難怪佢成功俘虜一眾貓奴嘅心嘅～

而聽講「貓手燒」仲有唔同口味任君選擇，好似有朱古力味呀、咖啡味呀咁，真係聽見都想試下呀！

咁到底呢款咁得貓奴歡心嘅「貓手燒」係邊度出品㗎呢？嗱嗱嗱，之唔係位於埼玉縣加須市嘅「ざりがに堂」囉！

Btw，雖然呢款「貓手燒」嘅還原度真係好高，而且網民試過都話好味?，之但係一眾貓奴會唔會因為「貓手燒」整得太似嘅關係而唔忍心食佢落肚㗎？仲有呀，嚿「貓手燒」整得咁似，萬一貓貓以為係殘肢咪弊？嗯⋯⋯求貓貓心理面積陰影。

猫の手型のカステラが売ってました。肉球やトラのカラーリングも再現されていて本物の猫もペシペシするクオリティ（この後美味しく頂きました） pic.twitter.com/Hd5wgVMTdh

— 静メカ (@shizumeka) 2017年4月18日

資料來源：shizumeka／twitter

延伸閱讀：

【不得了】係有肉球觸感嘅化妝棉呀！

【主子顯靈】食三文魚籽都發現貓貓肉球？