你知道嗎？99.9%嘅狗狗知道自己有得出街之後，都會即時表現得勁開心勁興奮。

而呢隻來自日本嘅六歲柴犬仔都唔例外，一知道主人帶佢出街街就笑笑口咁喇～嗯，梗係啦，睇佢個眼神天真無邪到咁樣樣，佢就梗係唔知道所謂嘅出街街背後其實係有好大個陰謀⋯⋯

冇錯，呢個陰謀就係打針～又到咗一年一度嘅打預防針時間喇！

唉，雖然毛毛都知打針會有少少痛，之但係柴柴你都唔使咁嘅樣下話？你睇下你個樣衰到⋯⋯正所謂「小小苦楚等於激勵～等於苦海翻細浪～」，主人帶你去打針都係為你好咋，所以你都係收返起條脷同排牙仔先啦好嗎？

「我被騙了⋯⋯」

大家睇下呢隻柴柴打完針之後個樣幾傷感，對眼幾憂鬱，而且個鼻仔仲要有滴鼻水喺度?！毛毛喺呢隻柴柴身上睇到⋯⋯人生呀！

資料來源：87shiba87／twitter